Ikasleen lan gehiago

Itziar :

ELIKADURA

AMUARRAIN FRIJITUAK URDAIAZPIKOAREKIN

8 amuarrain ertain
Urdaiazpiko serranoa edo iberiarra, 8 xerra
Irina
Gatza
Oliba olioa, frijitzeko
2 baratxuri ale

Ongi garbituko dizkigute amuarrainak arrandegian, tripak kendurik. Gatz pixka bat eman eta urdaiazpiko xerra bana sartuko diegu sabel barruan. Oliba olioa isuriko dugu zartaginean, bi hatzeko neurria harturik. Su eztian gozatuko ditugu baratxuriak, erre gabe olioa ongi kutsa dezaten. Minutu gutxi batzuen ostean, baratxuriak atera, sua biziagotu eta amuarrainak sartuko ditugu, irinetan azaletik igurtzi eta gero. Buelta eta buelta frijituko ditugu ondoren. Minutu bat alde bakoitzeko, tamainaren arabera,. Bizpahiru txandatan egingo ditugu amuarrainak, olioaren tenperatura apal ez dadin. Xukatu eta berehala zerbitzatu egingo ditugu, gorri eta kraskatsu. Gaiarrek bere Erronkariri ‘uskaraz’ kantatzen zionean baino gusturago geldituko gara gu amuarrainak jandakoan.

Etiketak: Amuarraina

ELIKAGAIEN ARGAZKIAK

Barazkiak.FrutakEsnekiak
Arraina

Alain:

Mugurdia

Mugurdiondoaren fruitua da mugurdia (basoko marrubia ere esaten zaio). Basalandare gisa hazten da klima epeleko herrialde guztietan. Errosazeoen familiakoa da. Familia honek 2.000 espezie baino gehiago besarkatzen ditu landare belarkaren, zuhaixken eta zuhaitzen artean, mundu osoko lurralde epeletan barreiatuta. Europako fruta nagusiak, arrosaz gainera, familia handi honetakoak dira. Europa erdialdeko eta iparraldeko herrietako gastronomia tipikoa aberasten duten hainbat errezetatan erabiltzen da mugurdia.

**

Izan:

AHATEA OLIBETAN

Euskaldun Kozinera, zeinarekin nornahik kozina ona errexki egin baitezake. Baiona, 1864

AHATE

Ateratu behar da hexurra oliben barnetik mamia pikatuz sagarra xuritzen baliz bezala, gero emaiten dira hexurra barnean balute bezala; egiten da xingar, haxi bat, tipula, xalota, biper beltx, perrexil; pasatzen dira horiek guziak zartainean; erre direnean pasatzen dira olibak barnean, eta farzitzen da ahatea hoiekin hezurrak kendu ondoan, eta egosten da errana den gisan.

Errezetak

Arrautzak tomatearekin / Baburrunakin edo lentejakin ...

ATUN ERREA

Argia, 1921

ATUN

Hartu ezazu atunaren hegalde bat (mendreska deritzaio) eta ondo garbitu, ezkama eta gainean daukan tela kenduaz.

Atun haundi baten hegala baldin bada txuritu egin behar dezu; horretarako ontzi batean jarri ura, ozpin eta gatz pixka bat erantsiaz; ordu betean eduki eta ur garbitan ondo igaro edo pasatu. Zapi batez ondo igurtzi eta erretilu edo kazuela batean olio pixka bat jarri, atuna itsatsi ez dadin; atuna jarri gainetik, olio pixka bat bota eta ondo xamar tipula, hiru edo lau baratxuri ale ondo txetuak eta limoi tanta batzuek erantsi. Gorritzen danean, ogi eta perrexil xehetutakoak ere erantsi.

Hau bera, edozein atun puskaz

OILASKO KROKETAK

Euskaldun Kozinera, zeinarekin nornahik kozina ona errexki egin baitezake. Baiona, 1864

KROKETA

Bi oilasko egos eta ongi xeha xuri guziak; gero ongi xeha xingar azpikia, aratxekia eta karrotak, frita burra puxka on batekin, gero eman irin poxi bat eta taza bat esne. Guziak ongi egosi direnean, pasa zaitzu zetabe batean; botatzen dutzu kulis hortarat oilasko haxixatuak; egiten tutzu buletak, gero inguratzen tuzu ogi mamian, hausten tutzu hirur arroltze, joiten tutzu xuria eta gorringoak, trenpatzen dutzu buletak, pasatzen dutzu berriz ogi mamian eta fritatzen olio onean edo burran.

egin leike

MADALENAK

Argia, 1921

MADALENA

Hartu itzazu hiru arrautza eta beren astuna edo pisua adina, hainbeste azukre eta hainbeste irin jarri behar dituzu.

Gero, su ondoan, urtu mantekila eta erantsi azukrea eta hau urtu arte ondo nahastu dana; banaka hiru arrautzak bota, eta asko harrotu.

Irina erantsi eta ondo landu dena. (Ez du gaitzik egiten, eta ona da nahaspila hori errezago harrotzeko goilarakada txiki bat bikarbonato eranstea). Nahaspila hori molde txikitan jarri eta labean sartu, eta asko eta azkar harrotuko dira.

Hoztutzen diranean mahaira atera.

ZURRUPUTUNA

Mari Xukalde. Argia, 1928

Bakallo puska pare bat uretan ordu betean edo (ez gehiago) gezatzen euki. Handik aterata, zapi garbi batekin legortu eta su gaineko txapan erre. Azkenik, hezur guztiak ondo kendurik, izpi-izpi egin.

Kaxuela batean baratzuri atal batekin olioa ondo erre, eta olio hartan tipula xehetua ugari gorritu. Hau egiten denean bakallo izpitua eta ogia zopa egiteko eran ebakia, tipulatara bota eta berarekin pixka bat egiten eduki. Irakiten dagoen ura gainera bota, eta astiro eta goxo-goxo egiten utzi.

Zurruputunak ez du saldatsua atera behar, baizikan lodi-lodia.